பிட்(டுப்) போடும் அஜாக்ஸ்

சாயங்காலம் ப்ளாக்கரை Hack செய்வதைப் பற்றி தீவிரமாக யோசித்துக் கொண்டிருந்தேன். முதலில் தீர்மானித்தது தமிழ்மணத்தில் இப்பொழுது புதிதாகச் சேர்த்திருக்கும் "அதிக பின்னூட்டமிட்டவர்கள்" பகுதியை Hack செய்யலாம் என்றுதான் நினைத்தேன்.

ஆசிப் அண்ணாச்சிக்கு "டெஸ்ட் பண்ணுறேன், பப்ளிஸ் பண்ணாதீங்க"ன்னு பின்னூட்டத்தில் ஒரு டெஸ்டிங் வேலை செய்தேன். "Operation Success, patient Died" அப்படிங்கிற மாதிரி டெஸ்டிங் சக்ஸஸ் ஆனாலும் அண்ணாச்சி பின்னூட்டத்த வெளியிட்டுட்டாரு.

அப்படியே இணையத்தில் எங்கடா கோட் கிடைக்கும்னு அலைஞ்சப்ப தான் கிடைச்சது ஒரு அற்புதமான அஜாக்ஸ் கோட். இப்ப என் ப்ளாக்கில் உள்ள "Label" அல்லது "பிரிவுகளில்" ஏதாவது ஒன்னில் கிளிக்கினீர்கள் என்றால் தெரியும் மாஜிக். இந்த மாஜிக் நானாய் செய்ததில்லை. காப்பி-பேஸ்ட் தான், ஆனால் கொடுக்கப்பட்ட கோடை காப்பி-பேஸ்ட் பண்றதுக்குள்ள நான் செத்தே போய்ட்டேன்.

நேத்தும் இப்படித்தான், 1.30 AM க்கு கீதா சாம்பசிவத்தின் "சிதம்பர ரகசியம்" பதிவுக்குள்ள மூக்குமுட்ட முங்கியும், ரகசியம் புலப்படாததால் கடைசியில் அவரிடமே கேட்டுவிட்டேன். அதைப் போலத்தான் இன்றைக்கும். 11.30 PM வரைக்கும் கம்பெனியில் உட்கார்ந்து சரிசெய்து பார்த்தேன். அப்புறம் இது உருப்புடாதுன்னு வீட்டுக்கு வந்த பிறகு, என் தன்மானம்(யாரோ இதைப் பத்தி இன்னிக்கு ஒரு பதிவெழுதியிருந்தாங்க) இடம் கொடுக்காததால். திரும்பவும் ஏகப்பட்ட டிபக்கிங் டூல் எல்லாம் வைத்து ஒருவழியாய் சரிசெய்து விட்டேன்.

அப்பா என்ன ஒரு ஜல்லி. ஹிஹி.

பயர் பாக்ஸில் தெரிகிறது, எக்ஸ்ப்ளோரர் உபயோகிப்பதில்லையாததால் தெரிகிறதா என்று சொல்லவும்.